Danville Hulp Groep

Margaretha Ackerman Tehuis

 

 
     
  Aktiwiteite  
     
  Lente tee - 2 Oktober 2004  (Klik hier)  
  Kersfees 2004  
  Kersfees 2005  
 

Margaretha Ackerman Tehuis 2006

 
  Verswakte bejaarde dames se saal is opgeknap deur VIP Payroll Solutions  

 

Voorbereidings vir Bejaardes se braaivleis

 
         
 

Anantjie en Sue maak pakkies op

Lekkers vir die ouetehuis

Lorinda, Sue en Barbara geniet dit om pakkies op te maak vir die Ouetehuis

 
         
 
 
 

Terugvoer op die Groot dag!

 
  GoeiemŰre,

BAIE, BAIE Dankie aan almal wat gehelp het om die funksie by die Margaretha Ackerman tehuis 'n reuse sukses te maak!

Vroegoggend daag daar toe nie minder as 35 vrywilligers op om te help! Ons wou nog eers bietjie "vergadering" hou voor die tyd maar daarvan was daar geen sprake nie!

Toe ons Ī08:00 daar aankom, het van die bejaardes al rondgestaan - kon nie wag nie!. Ons moes blitsig die saal mooi maak. Ons sou amptelik 10:00 begin - maar 09:00 was die saal al klaar vol! en moes ons buite toe gaan om vinnig te open en ons plan van aksie saam te stel!.

Vir hierdie geleentheid is die meeste verswakte bejaardes ook saal toe gestoot in rystoele en van die vrywilligers moes haastig trane wegsteek en emosies onder beheer bring!

Vinnig is die houers vol lekker lou water gemaak en kon die groot bederf begin! Bets het dadelik besluit om die klein sitkamer in 'n pedikuur salon te omskep en soos blits was daar nie genoeg hande om die bejaardes se voete te versorg nie! Hulle het het met totale oorgawe op die gemaklike stoele neer geplof en kon nie die ongeloof oor sulke pamperlang wegsteek nie!

Die bejaardes se hande is in die saal versorg - Die omies het vinnig gesien dat dit darem baie lekker is om so versorg te word en gou- gou was hulle nie meer teruggetrokke nie! Naels is versorg en glo my daar was vele versoeke vir bloedrooi naellak! (ons het gedink om maar ligte kleure saam te neem! - wys jou nou net)

Oom Andrew het hulle vinnig uit hulle doppe laat kruip met sy musiek uit "toeka se dae". Intussen het die manne begin braai en kon jy die heerlike braaivleis geur tot binne in die saal ruik.

Toe was dit Tienie Geyser ons kulkunstenaar se beurt en die ongeloof op die oues se gesiggies was kosbaar! - Hulle het dit terdeŽ geniet !
Daarna was dit bene -rek tyd en het almal eers gou 'n draaitjie gaan loop! - maar was soos blits terug in die saal - wou niks mis nie!.

Tydens die ete het Anneke en haar vriendin Loraine ons almal verras met die mooiste liedjies. Sulke sang-talent het ek lanklaas gehoor! - Sommige bejaardes het weemoedig geraak en mens kon sien dat die herinneringe baie vÍr paaie met hulle loop!

Na ete gaan die oues gewoonlik vinnig kamer toe vir 'n middag slapie. Maar hiervan was daar Saterdag geen sprake nie. Hulle het bly sit en oom Andrew moes sing en musiek maak dat dit klap! Uiteindelik het hy "verklaar" dat sy stem dit nie meer kan hou nie en het ons die verrigtinge afgesluit.

Nadat almal kamers toe is het ons die geskenkpakkies by die kamers gaan uitdeel - persoonlik in elke bejaarde se hand gesit met 'n lekker drukkie!

GROOT BESLUIT!

Al die vrywilligers het saam besluit dat ons die 8 bed saal, waar al die heel verswakte bejaardes in lÍ, gaan "aanneem".
Dit behels dat ons die saal van voor tot agter gaan opkikker! Mure moet geverf word - gordyne moet vervang word - en nuwe duvets met slope wat inskakel, moet gemaak word!

Hierna sal ons die saal na die "Danville Hulp Projek Saal" benoem en sal dit ons verantwoordelikheid wees om op 'n gereelde basis hierdie saal te versorg. Nie net die voorkoms van die saal nie maar ook om na die verswaktes se geestelike behoeftes om te sien en hulle met liefde te pamperlang.

Sal die persone wat hierby betrokke wil raak my asb kontak en spesifiseer waarvoor hulle kans sien.

Elsabe
 

 
 

Bejaarde man se voete word gewas

Bets en Jane doen 'n pedikuur
Rika doen 'n manikuur

 

 

Voetesalon

Gladys doen 'n pedikuur

   

Voetspa

Anneke sing vir die oues

   

Hano en Rene by jong dame

Elsabe, Connie en ou dame

   

Etenstyd

 
 
 
 
  Lees - Matteus 7:1

"Moenie oordeel nie, sodat oor julle nie geoordeel word nie ..." (1)

Regsklere pas sommige mense baie goed. Hulle eien hulleself die reg toe om links en regs opinies oor ander uit te spreek en om mense voor die voet te veroordeel.

Natuurlik is dit 'n gevaarlike speletjie. Jesus waarsku ons hierteen. Want mense wat hierdie soort spel speel, gaan eendag deur God met presies dieselfde oordeel beoordeel word as diť waarmee hulle ander veroordeel. En God het natuurlik al die feite tot sy beskikking. Daarom gaan hierdie selfaangestelde regters tweede kom as hulle voor Hom staan.

Moenie ander oordeel nie. Nee, gaan stel eers jou oŽ fyn in by die hemelse Oogdokter. Laat Hy jou leer om reg te kyk, om feite van leuens te onderskei. Laat Hy jou eers bevry van al jou menslike vooroordele. Dan sal jy wel in staat wees om reg te kyk. Dan, en dan alleen, mag jy met ander praat oor hulle foute en tekortkominge. Maar doen dit eers nadat jy voor God gebuig het sodat Hy jou kan help om al die feite uit sy perspektief te beskou.

As jy wel vandag iets oor ander mense in hulle afwesigheid moet sÍ, maak dan seker dat jou woorde nie met gif of met bitterheid gelaai is nie. Praat opbouend oor ander agter hulle rug. Beskerm mense se eer en integriteit as hulle nie daar is om dit self te doen nie. Laat staan jou regsklere. Jy is nie geroep om vonnisse met jou tong te fel nie. Los dit vir God. Hy het al die feite, jy nie!

Here, leer my om nie te oordeel nie.
Uit: Uit die Beek 2004 - Stephan Joubert
 
 
 
 

Die Danville Hulpprojek Saal

 
     
 

Rika was die kaste binne

Elsabe Markgraaff was die kaste

   

Hannes installeer die radio

'n Vinnige tee breek!

   

Hannes en Elma - spanwerk

Johan haal die kas handvatsels af

   

Johan, Hannes en Elma

Johan en Werdi

   

Kari versog 'n bejaarde dame se hande

Elsabe Markgraaf versorg 'n bejaarde dame se hande

   

Lekker snoesig in haar bedjie

Elsabe Wentzel by haar gunsteling

 

 

Rika en Carin met 'n duvetoortreksel

Slaaptyd

 

 

Rika, Kari en Elsabe Wentzel sit gordynhakies aan

Werdi pamperlang 'n ou dame

   

 

Elsabe by bejaarde dame

 

Komberse vir ons Bejaardes - Julie 2005

 
     
   

Tannie Mart ontvang die komberse namens die bejaardes

Almal help aflaai

   

 

Komberse vir ons bejaardes